رێوییه‌ك زیاتر له‌ 100 جووت پێڵاو له‌ ئه‌ڵمانیا ده‌دزێت
نێردراو له‌ لایه‌نxalat له‌ ڕۆژی June 29 2009 11:17:07

---

رێوییه‌ك له‌ ئه‌ڵمانیا زیاتر له‌ 100 جووت پێڵاوی دزییووه‌.

به‌پێی سه‌رچاوه‌ ئه‌ڵمانیاییه‌كان، وته‌بێژی پۆلیسی ناوخۆیی ئه‌و وڵاته‌ رایگه‌یاندووه‌، له‌ شاری (فۆهرین)ی بچوك له‌ رۆژئاوای وڵاتی ئه‌ڵمانیا، رێوییه‌ك زیاتر له‌ 100 جووت پێڵاوی دزییوه‌..

---

سه‌رجه‌م بابه‌ته‌که

---

سه‌رچاوه‌كان روونیانكردۆته‌وه‌، دزی كردنه‌كه‌ی ئه‌م رێوییه‌ كاتێك ئاشكرابووه‌، كه‌ كرێكارێكی دارستان له‌ كاتی كاركردنی له‌ ناكاو كونێكی رێوی ده‌بینێت، كه‌ ژماره‌یه‌كی زۆر پێڵاوی لێ په‌رش و بڵاوبۆته‌وه‌، دواتر پیاوانی پۆلیسی لێ ئاگاداركردۆته‌وه‌، دوای لێكۆڵینه‌وه‌ ده‌ركه‌وتووه‌، ئه‌و رێوییه‌ له‌ كاتی دره‌نگی شه‌ودا ئه‌و پێڵاوانه‌ی له‌به‌ر ده‌رگای ماڵاندا دزیوه‌.

وته‌بێژه‌كه‌ ئاماژه‌یداوه‌، سێ به‌شی پێڵاوه‌كان ئافره‌تانه‌ بووه‌، كه‌ تاوه‌كو ئێستا 110 تا 120 پێڵاویان دۆزیوه‌ته‌وه‌، و هیچیان لێ نه‌هاتووه‌، به‌ خاوه‌نه‌كانمان داوه‌ته‌وه‌، وتویه‌تی: ره‌نگه‌ ئه‌و رێوییه‌ ئه‌و كاره‌ی له‌ پێناو بێچووه‌كانی كردبێت، تاوه‌كو بێچووه‌كانی به‌و پێڵاوانه‌ یاری بكه‌ن.

له‌ كۆتاییدا وته‌بێژه‌كه‌ وتویه‌تی: هیچ نیازێكمان نیه‌ كه‌ ئه‌و رێوییه‌ وه‌ك تۆمه‌تبار دادگایی بکه‌ین.